MaD CiTy



 
الرئيسيةالتسجيلدخول

شاطر | 
 

 أحمد فؤاد نجم

اذهب الى الأسفل 
كاتب الموضوعرسالة
انجي
مراقبة عامة
مراقبة عامة
avatar

انثى
عدد الرسائل : 736
العمر : 22
علم الدولة :
المهنة :
الهواية :
تاريخ التسجيل : 30/11/2008

مُساهمةموضوع: أحمد فؤاد نجم   السبت فبراير 28, 2009 9:39 pm


اخر قصائد احمد فؤاد نجم في الرئيس مبارك

نؤيد سيادتك

نؤيد سيادتك لفترة جديدة

نكمل خلالها المسيرة السعيدة

و بالمرة فيها نبيع الحديدة

مفيش حاجة تانية نبيعها خلاص

*****

نؤيد سيادتك لأجل المزيد

من اللي تحقق بفضلك أكيد

بقينا خلاص ع الحميد المجيد

و ربك لوحده ف ايده الخلاص

*****

نبايع سيادته ولا حد غيره

كفايا علينا نبرطع في خيره

و نوم شعب مصر العظيمة و شخيره

يقول للحرامي ما تسرق كمان

*****

نبايع سيادته وابنه وحفيده

مفيش زي فكره قديمه و جديده

خرابك يا مالطة حيحصل بايده

ومين فيكي يعني بيسمع آذان

*****

نبوس ايد سيادتك و رجلك كمان

تخليك معانا يا ريس عشان

وجودك ضرورة فرضها الزمان

و من غير وجودك حقيقي نضيع

*****

دي مصر بتاعتك و احنا ضيوفك

كفايا علينا يا ريس نشوفك

و عاذرين سيادتك و فاهمين ظروفك

عليك بس تؤمر و احنا نطيع

*****

في جزمة سيادتك كلابك يبوسوا

و فوق الغلابة بجزمهم يدوسوا

و شعبك ليلاتي يا ريس غموسه

مذلة و مهانة و حوجة و مر

*****

لكن يعني ما دمنا شعب انتساب

و دايما وأبدا ف حالة غياب

متعملش لينا يا ريس حساب

دي عزبة سيادتك و فيها انت حر

*****

و دستور مدستورش مش فارقة خالص

كلام فاضي كله يا فندم بناقص

كفايا علينا الفساد اللي ماصص

عرقنا و معشش و ضارب جذوره

*****

و ايه يعني تهري جتتنا البلاوي

يوماتي كوارث فضايح رشاوي

كفايا علينا القعاد في القهاوي

بنستنى لما الوريث ييجي دوره


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أحمد فؤاد نجم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MaD CiTy :: قسم التعارف والترحيب :: عام لكل الأعضاء-
انتقل الى: